السلامو عليكو...
هادا يا جماعة الخير في يوم من الأيام صار معي هالموقف....
وقلت يا ولد تعال وإفضح حالك في المنتدى...
وقلت ما شاء الله شعبنا برضو بيحب الفضايح...
المهم...
كنت مروح من عند صاحبي...
يا سيدي رح تقولو شو الجديد يعني كل الناس بتروح من عند صحابها...
طيب هيني جاييكو في الحكي...
المهم...
طبعا انا دايما بس اكون بمشي باخد معي الجوال...
طيب برضو رح تسألوني شو الجديد ماشي...
المهم...
وانا ماشي كنت مشغل الشسمو الجوال وحاطط السماعات ع وداني وانا ماشي طبعا في امان الله..
المهم...
مشغل هالأغاني وانا ماشي ومنقرز آخر نقرزة...
ولا شوي شوي بديت أدخل في جو الأغنية...
وشويه شويه لقيت حالي بغني...
اه بغني...
وبصوت عالي كمان...
_تقول إنسى وأقول آهين لو أقدر...
رغم طول النوى أنسى...
المهم...
وانا ماشي وبغني ومنشكح آخر إنشكاح ومكيف...
ولا فجأة...
خطرة في بالي شغلة...
قلت خليني اشوف هالشغلة في الطريق اللي ورايا....
ولا أضرررررررررررررررررررررررررررررب
أكلنا هوااااااا
طلعت نص أمة محمد ورايا...
ييلعن الإحراج وسنينو...
صرت زي هيك يومها...
أترنور طلع في إللي جمهور ورايا...
لو إنو صوتي حلو مش مشكلة...
بس النيلة إنو بالمرة حلو زيادة عن اللزموم...
وعينك ما تشوف إلا النور زي الطلق رحت أغير الشارع....
وتووووبة إذا بغني بعد هيك بصوت عالي...
محدش يغني بصوت عالي بلاش يصير معو زي ما صار معي...