يديعوت احرونوت: ممارسات ميليشيات حماس فاقت إسرائيل وحشية وتشددا في حي الشجاعية أمس

أعتبرت صحيفة "يديعوت أحرونوت" العبرية اليوم، أن الجيش الإسرائيلي الذي اجتاح حي الشجاعية شرق مدينة غزة عشرات المرات على مدار سنين الانتفاضة الثانية لم يكن متشددا ومتوحشا كما كانت ميليشيات حماس الخارجة عن القانون أمس في هجومها على الحي.

وأشارت الصحيفة في عددها الصادر اليوم، الى أن الآلاف من رجال حماس من كل وحدات الحركة، استخدموا كل ترسانة السلاح التي تحت تصرفهم : اكثر من 300 قذيفة هاون، صاروخي قسام وعشرات قذائف ار.بي.جي اطلقت على الحي.

وأضافت "مبنى من ثلاث طوابق فجر على سكانه، ولم يعرف بعد ماذا حصل بمصير السكان، ورابط على مآذن المساجد قناصة حماس الذين أطلقوا النار على كل من يتحرك في الشوارع، وفي اثناء المعارك استخدموا في حماس ايضا ثلاثة أنفاق حفرت من الحي نحو معبر كارني من أجل إدخال قوات إسناد عبرها، كل المداخل والمخارج من الحي أغلقت".

ونقلت عن مواطنين غزيين قولهم "أن أحداث الشجاعية هي الأشد التي يشهدها القطاع"، وخلصت للقول "حتى إسرائيل أدارت معارك بصورة أقل تشددا ووحشية" مما أدارته ميليشيات حماس أمس في الحي.

وقالت مصادر للصحيفة "أن هجوم حماس على الشجاعية امس كان محاولة لشطب وجود فتح في القطاع وتطهير سياسي، وحماس لم تتردد في استخدام كل الوسائل المتبعة في الدكتاتوريات الظلامية، لديهم قوة عسكرية وبقوة بنادقهم يفرضون أمرتهم على غزة". </FONT>

لا تعليق

والافضل من الجميع ما يعلق

لانو بكفى الفتنة الى صايرة على ارض الواقع

مشكور يا اخى الكريم.

رجاءاًً أخت وردة المنتدى أنا ما بأسمح إلك تردي بهذا الرد الجاف والقاسي
مرة تانية ما تردي على مواضيعي إذا بتفكري من هذا المنطلق وهوا التحيز لفتح والهجوم على حماس
هادا ما تم نشره على المواقع الإخبارية الفلسطينية وانا بصفتي مشرف القسم الفلسطيني بدي أضيف أي خبر
على القسم الفلسطيني ما لم أتحيز لاي فصيل أياًً كان
وما معك الحق أنك تمنعي أي عضو يضيف أي تعليق كان
ثم هاذا خبر منقول عن جريدة تابعة للعدووهي يديعوت أحرنوت يعني لم يعلن من طرف فتح حتى تقولي إن هذا الخبر ينشر الفتنة

رجائي إلك مرة تانية ما تردي على أي موضوع إلي بهذا المنتدى
ومش مشكورة على ردك الي يعكس تفكيرك المحدود والضيق

بليز ما بدنا نسبب مشاكل
مشكووور أخي ابن فلسطين بس من حق وردة المنتدي تعبر عن رأيها
وكمان هذا ما بده زعل منكماحنا ايش مستفدين منهم ،هذا هو السبب الي وصلنا لهيك
اذا انتا ما بدك تسمع وهي ما بدها تعلق احنا شو منا نغير من الواقع
الواقع ما بيتغير..............مشكوووووور أخي الكريم

اللهم اجمع شمل المسلمين
فــــــــــــــــــــــــــــــــــــــــــــــــــــــتــــــــــ(حماس)ــــــــــــــــح

يا أخت حلا
وردة المنتدى كاتبة في تعليقها الأفضل ما حدا يعلق ما إلها الحق تحكي هيك إذا ما عجبها الموضوع ما ترد من الأصل
مش تعلق تعليق مستفز
أنا بس نقلت الخبر وهومنشور بكل المواقع الفلسطينية ثم
إذا عجبهاالخبر أو ما عجبها أنا مش مستعد أتقبل زي هيك تعليقات سخيفة ومستفزة
وشكرا كتير إلك
ولردك الرائع
دمتي بكل ود

والله يا أخى

هذا لا اسلوب جاف ولا مبتذل

انا حرة فى رايى ,

بعدين شو معنى لا تعليق ,يعنى ما حد يدخل ويتعمق فى السياسة

يعنى كلمة من هين وكلمة من هين حتجيبو مشاكل

بعدين الى احكى ايش ما بدى فى مشاركاتى

انتى اذا ما بدك تعرف هالشى بلاش ,انا وين ما بدى بكتب وفى اى قسم بدى

مش عشان انا شى فى هالمنتدى ولا نائبة المدير ولا شى عشان انا عضوة والى حق

اعبر عن راى بكل صراحة

ويعنى هالخبر ما عجبنى وحسيت انو حيجيب فتنة كتبت لا تعليق حرة انا

ومشكور على ردك الجميل عنجد جميل .

يا وردة المنتدى أنا نقلت الموضوع عن جريدة يديعوت أحرنووت يعني للعدو
أنا بس بدي أوضح إلكو شو العدو بيكتب العدو
بجرائده عنا ووعن الي صار بالشجاعية
وحبيت أوضحلكو كيف العدو بيستغل همجية بعض الفلسطينيين
في نشر الفتن وأنبهكو للي بيصير معنا وقديش العدو بيستغل زي هيك أوضاع
ليشوه سمعة الفلسطينيين أمام العالم
مش بدي انا أعمل فتن بين فتح وحماس بل بدي أنبههم من الي بتنشروا إسرائيل في جرائدها عنا




وشكرا لكي وردة المنتدى

شو رايكوا احذف الموضوع من اصله؟؟؟؟؟
المواضيع اللي زي هاي لازم تنتقل على شان بتفرجينا كيف العدو بيفكر وبيكتب عنا
يعني ما في شئ لو الموضوع انتقل
وانت يا ابن فلسطين كان ضروري تكتب وتعلق على الموضوع بعد نقله وليش انت نقلته
ويا وردة المنتدى فكري شوي قبل ما تنقدي ابن فلسطين

لو ضليتوا هيك حيصير بالمنتدى اكثر من فتح وحماس
والله يهدي الجميع
تحياتي للكل
مشكورين

مشكورة لردك الرائع يا رنا
ولخوفك على مصلحة الجميع
دمتي بكل ود

شو يا كاترينا
طلعنا شوووووووووووووووو
مشكورة لمرورك

طلعتو حلوين وبتفهمو بعض كويس

هههههههههههههههههههههه
شكرا للمجاملة الرائعة
كاترينا
دمتي بود